Сурхондарё вилояти ҳудудидаги «Дарбанд» ЙПХ масканида истеъмолга яроқсиз гўшт маҳсулоти тўхтатиб қолинди. Бу ҳақда вилоят ички ишлар бошқармаси ахборот хизмати хабар берди.
Қайд этилишича, 28 июль куни соат 23:00 да ЙПХ масканида Шўрчи—Тошкент йўналишида ҳаракатланиб кетаётган Cobalt юк хонаси текширилган. Унда 100 килограммдан зиёд номаълум ҳайвон гўшти олиб кетилаётгани маълум бўлган.
Ушбу аниқланган гўшт маҳсулоти текшириб кўриш учун Бойсун тумани ветеринария лабораторисига тегишли ҳужжатлар расмийлаштирилиб топширилган.
Текширув натижасига кўра, ушбу йирик шохли мол гўшти истеъмолга яроқсиз бўлиб, соф вазни 140 килограммни ташкил этди. Маҳсулотни Тошкент шаҳрига сотиш учун олиб кетаётган шахсга нисбатан Маъмурий жавобгарлик тўғрисидаги кодекснинг тегишли моддасига асосан маъмурий тартибда ҳужжатлар расмийлаштирилди.
Изоҳ (0)