Андижон вилоятида фуқарога уй-жой қуриш учун кредит олиб беришни ваъда қилган шахс ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Маълум қилинишича, Бош прокуратура ҳузуридаги департаментнинг Андижон вилояти бошқармаси томонидан фуқароларнинг ҳуқуқ ва манфаатларини ҳимоя қилиш юзасидан тезкор тадбир ўтказилган. Унда фуқаро И.Ж. бошқа бир фуқаро А.га танишлари ёрдамида тижорат банкларининг биридан уй-жой қуриш учун 150 миллион сўм кредит ажратиб бериш ҳамда ҳеч қаерда ишламаса ҳам иш ҳақи ҳисоблангани ҳақида маълумотнома олиб бериш эвазига жами 1900 доллар ва 280 минг сўмни олган вақтида ашёвий далиллар билан ушланди.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)