Япония пойтахти Токиода 28 июль куни Ўзбекистон делегациясининг Отару тижорат университетининг вице-президентлари Ичиро Саито ва Масафуми Сузуки билан учрашув бўлиб ўтди, деб хабар бермоқда Дунё ахборот агентлиги.
Музокаралар чоғида ўзбек дипломатлари Отару тижорат университети ва Ўзбекистон олий ўқув юртлари ўртасида ҳамкорликни йўлга қўйишнинг амалий масалаларини муҳокама қилган. Хусусан, ўзбек тадқиқотчилари ва талабалари учун мазкур япон университети ўқитувчиларининг маъруза ҳамда онлайн машғулотларини ташкил этиш таклиф этилган. Шунингдек, Отару тижорат университети вакиллари жорий йил сентябрь ойида Сукуба университетида бўлиб ўтадиган Ўзбекистон–Япония ректорларининг 4-форумида иштирок этишга таклиф қилинган.
Мазкур университет вице-президенти Ичиро Саито Ўзбекистон–Япония ректорлари форумида қатнашишга ҳамда Ўзбекистоннинг олий таълим муассасалари, жумладан, Тошкент давлат иқтисодиёт университети билан ўзаро ҳамкорликни ўрнатиш масаласини муҳокама этишга тайёр эканлигини маълум қилган.
Изоҳ (0)