Associated Press агентлигининг хабар беришича, Германиянинг шарқий қисми ва Чехия шимолида бир неча юз ўт ўчирувчилар ўрмон ёнғинлари билан кескин курашмоқда.
Олов қуруқ қарағай ўрмонлари кўп бўлган Бранденбург федерал штати бўйлаб тез суръатларда тарқалган. Ўт ўчирувчилар у эрда жуда эҳтиёткорлик билан ҳаракат қилишларига тўғри келмоқда, чунки бу ҳудудда ҳали ҳам Иккинчи жаҳон урушидан қолган ўқ-дориларга қоқилиб кетиш хавфи юқори.
Хусусан, эски ўқ-дорилар ер тубида ётадиган Рефелд қишлоғига сапёрлар (ҳарбий қурилиш қисмларининг офицерлари) гуруҳи юборилган. Бу ердаги ёнғинни ўчиришга иккита ҳарбий вертолёт жалб этилган, аммо ўқ-дорилар портлаши мумкинлигидан хавфсираб, ҳудудга ўт ўчирувчилар киритилмаган.
Германияда ёнғинни ўчириш пайтида етти нафар ўт ўчирувчи тан жароҳати олган.
Шу билан биргаликда, якшанба (24 июль) куни Швейцариянинг Богемия миллий боғида ёнғин бошланди, унинг тарқалишига эса бир кун олдинги шамолли об-ҳаво сабаб бўлган.
Расмийлар Чехия билан чегарадош Хрженско шаҳридан 80 кишини эвакуация қилган. 400 нафар ўт ўчирувчи эса ёнғинни ўчиришга муваффақ бўлган, бироқ вазият ҳали ўз ўрнига қайтганича йўқ, олов чегара орқали Германиянинг Саксония федерал штатига ҳам ўтган.
Польша ва Словакия чехиялик ўт ўчирувчиларга ёрдам бериш учун вертолётлар жўнатилганини эълон қилди. Шунингдек, немис ҳарбийлари ёнғинни бартараф этиш учун Чехияга тўртта вертолёт жўнатишга ваъда берган.
Мавзуга доир: Франциядаги ёнғинлар қарийб 20 минг гектар ўрмонни йўқ қилди
Изоҳ (0)