Янги мева ва сабзавотлар соғлом овқатланишнинг муҳим қисмидир. Уларни кун давомида беш порция истеъмол қилиш керак. Аммо камдан кам одам ушбу меъёрга амал қила олади. Тадқиқотлар шуни кўрсатадики, аксарият инсонлар кунига ўртача бир ёки икки порция истеъмол қилади. «Новий очаг» нашри ҳар ким ўз саломатлиги учун рационини қайта кўриб чиқиш вақти келганини эслатиб ўтди.
Милклар қонаганда
C витамини танқислигининг биринчи аломати терининг тез-тез шикастланиши, яраларнинг битмаслиги ва милкдан қон кетишидир. Ушбу муаммонинг олдини олиш учун кўпроқ қизил қалампир, салат барги, карам, помидор ва, албатта, цитрус меваларни истеъмол қилишга ҳаракат қилиш керак.
Доимий чарчоқ ҳисси
Энергия ва кучнинг етишмаслиги рационда фолий кислотаси, яшил сабзавотлар, шунингдек, нўхат, ловия ва ясмиқ каби дуккаклилар мавжуд бўлган Б витамини танқислигидан келиб чиқиши мумкин.
Тез-тез шамоллаш
Рационда янги сабзавотлар етишмаслигининг яна бир белгиси шамоллашнинг тез-тез кузатилиши ҳисобланади. Иммунитет тизимида C витамини етишмаганда, бунга цитрус мевалар ҳам, яшил сабзавотлар ҳам ёрдам бериши мумкин. Фақат уларни мунтазам равишда истеъмол қилиш лозим.
Хотиранинг сусайиши
Лутеин — бу янги маълумотларни яхшироқ ўзлаштиришга ва хотирада узоқроқ сақлашга ёрдам берадиган озуқа моддаси. У сабзи, брокколи, маккажўхори, помидор ва кўкатларда мавжуд. Агар хотира билан боғлиқ муаммоларга бўлса, бу сабзавотларни рационга қўшиш тавсия этилади.
Стресс билан курашишда қийинчилик
Стресс ҳар бир инсон ҳаётининг ажралмас қисмидир, лекин у билан қандай курашишни ўрганиш жуда муҳим, чунки организмнинг тажрибасиз стрессга жавобларидан бири яллиғланиш жараёнидир. Шунинг учун рационда доимо антиоксидант, полифенол ва каротиноидлар каби яллиғланишга қарши бирикмаларга бой озиқ-овқатлар бўлиши жуда муҳимдир. Уларнинг барчаси турли сабзавот ва меваларда мавжуд.
Томир тортишишининг кузатилиши
Томир тортишишининг олдини оладиган муҳим элемент калийдир. Агар спорт билан кўп шуғулланилса ёки иссиқ мавсумда тез-тез кўчага чиқилса, рационда унинг кўпроқ бўлиши янада муҳимдир. Бундан ташқари, калий юрак фаолияти учун зарур. Кундалик калий танқислигини тўлдиришнинг энг осон йўли бу банан истеъмол қилишдир. Битта ўртача мевада тахминан 420 мг калий мавжуд.
Вазнни камайтира олмаслик
Мева ва сабзавотлар битта бебаҳо хусусиятга эга: улардаги клетчаткалар узоқ вақт давом этадиган тўқлик ҳиссини беради. Шу билан бирга, аксарият мева ва сабзавотларда унчалик кўп калория мавжуд эмас. Шунинг учун улар билан очликни ҳис қилмасдан вазн йўқотиш осонроқ.
Изоҳ (0)