Ҳаддан ташқари кўп терлаш: қачон шифокорга мурожаат қилиш керак?

Ёзда энг кўп учрайдиган муаммолардан бири — бу кўп терлаш. Аммо терлаш организмнинг ишида муҳим рол ўйнайди, шу билан суюқлик мувозанати сақланади, терморегуляция содир бўлади ва ҳатто зарарли моддалар чиқариб ташланади. Бироқ терлаш миқдори ортганда амалга ошириш мумкин бўлган баъзи нарсалар мавжуд. Йўқ, бу ҳамма ўйлаганидек дезодорантлар эмас. Шунчаки нима истеъмол қилиш ва ичиш, шунингдек, қабул қилинаётган дори воситалари терлашга катта таъсир кўрсатиши мумкин. «Новий очаг» нашри ушбу муаммони бартараф этишнинг кутилмаган усули билан бўлишди.

Камроқ қаҳва ичинг

Кўпчиликка қаҳванинг диуретик таъсири маълум. Аммо бу ичимлик таъсири остида суюқлик организмнинг тешиклари орқали чиқарилиши мумкинлиги номаълум. Айни пайтда, мунтазам равишда қаҳва ичиш (айниқса, иссиқ қаҳва) тери ажралишига таъсир қилиши мумкин.

Спиртли ичимликлар ичишни тўхтатинг

Одатда спиртли ичимликларни умуман ичмаслик яхши фикрдир. Баъзиларининг (масалан, қизил шароб) фойдали хусусиятларига қарамай, спирт организмдаги деярли барча тизимларга зарарли таъсир кўрсатади ва терлаш ҳам бундан мустасно эмас. Спиртли ичимликлар юрак уришини тезлаштиради ва қон томирларини кенгайтиради. Тер қонни организм юзасига олиб келади ва бунинг натижасида терлаш янада фаоллашади.

Зираворлардан сақланинг

Зираворлар, айниқса турли хил қалампир турлари тана ҳароратининг кўтарилишига олиб келади ва тана мувозанатни нормаллаштириш учун кўпроқ тер ишлаб чиқаради. Аммо организм ҳар қандай озиқ-овқатга, жумладан, совуқ овқатга ҳам тернинг фаол чиқиши билан реакцияга киришса, бу шифокор кўригидан ўтиш учун сабабдир.

Қонда шакар миқдорини аниқланг

Ҳаддан ташқари кўп терлаш қандли диабет, шунингдек, гипогликемия, қонда шакар камлигининг белгиси бўлиши мумкин. Агар одатдагидан кўпроқ терлаш кузатилса, айниқса, бир вақтнинг ўзида чанқоқ кучайгани сезилса, шифокор билан маслаҳатлашиш тавсия этилади.

Гормонал мувозанатни текширинг

Ҳаддан ташқари кўп терлашнинг яна бир сабаби гипертиреоздир, бунда қалқонсимон безнинг гормони қонга кўп миқдорда чиқарилади. Агар одатдагидан кўпроқ терлаш кузатилса, эндокринологга мурожаат қилиш лозим.

Қабул қилинаётган дори воситалари

Баъзи дори воситалари терлашнинг кўпайишига олиб келиши мумкин. Булар антибиотик, қон босимини пасайтирадиган дори, оғиз қуришига қарши препаратлар, шунингдек, айрим турдаги биологик фаол қўшимчалар ҳам киради.