«Барселона» бош мураббийи Хави Лионель Мессини жамоага қайтаришни сўради.
Мураббий каталонияликлар президенти Хоан Лапортадан «ПСЖ» ҳужумчисини ортга қайтаришни сўраган, дея хабар беради Diario Sport.
Хави Мессининг «ПСЖ» билан шартномасини якунига етгач, «Барселона»га келиб қўшилишини хоҳламоқда.
Аргентиналиклар футболчининг Париж клуби билан шартномаси 2023 йилда ўз ниҳоясига етади, ундан ташқари битимни яна бир йилга узайтириш ҳуқуқи ҳам мавжуд.
Хавининг фикрича, Мессининг жамоага қайтиши «кўк-анорранглилар»га молиявий жиҳатдан ҳам, спорт жиҳатдан ҳам муваффақиятга эришишига ёрдам беради.
Эслатиб ўтамиз, Лионель Месси ва «Барселона» янги битим борасида келишганига қарамай, молиявий ва тизимли тўсиқлар туфайли шартнома имзоланмади. Натижада аргентиналик футболчи «кўк-анорранглилар» сафини тарк этиб, «ПСЖ»га ўтганди.
Изоҳ (0)