Американинг Apple корпорацияси келгуси йилда юзага келиши мумкин бўлган иқтисодий инқирозни енгиш учун ходимлар ёллаш ва бир қатор бўлимларни молиялаштиришни секинлаштиради. Бу ҳақда Bloomberg хабар бермоқда.
Ҳар йили Apple тадқиқот, ишланмалар, ресурслар ва ишга ёллаш харажатлари учун ҳар бир бўлимга маблағ ажратади.
2023 йилда бир қатор жамоаларга кутилганидан камроқ бюджет ажратилади. Бундан ташқари, корпорациянинг айрим бўлинмаларида ходимлар сони кўпайтирилмайди. Айримларида ишдан кетган ходимларнинг лавозимлари алмаштирилмайди.
Компания ноаниқлик даврида эҳтиёткор бўлишни ният қилмоқда, лекин бу бир қатор бўлимларга тааллуқли бўлмайди, — деб ёзади нашр.
Apple бош директори Тим Кукка кўра, мавжуд инфляция корпорацияга — ялпи даромад ва операцион харажатларга таъсир қилади. Бундан ташқари, коронавирус пандемиясининг салбий оқибати ва транспорт харажатларининг ошиши ҳали ҳам ўз таъсирини ўтказмоқда.
Компаниянинг молиялаштириш ва ишга ёллашни қисқартириш режалари ҳақидаги хабарлардан сўнг унинг акциялари 2 фоизга тушиб, 147,2 долларни ташкил қилди.
Бу йил бошидаги кўрсаткичдан 17 фоизга камайди. Маълумотлар эълон қилинганидан кейин 17 июль куни бошқа технология компанияларининг акциялари ҳам пасайган.
Аввалроқ 30 йил давомида Apple’нинг деярли барча дизайнларини ишлаб чиққан одам компанияни тарк этгани ҳақида хабар берилганди.
Изоҳ (0)