Сел ва кучли ёмғир сувлари тупроқ ва қум-шағалларни доимий равишда оқизиб келиши натижасида дарё ва каналларнинг туби тўлиб қолиши кўп кузатилади.
Вилоят маркази – Қарши шаҳридан ўтувчи Қашқадарёнинг соҳил бўйидаги қисми воҳа аҳлининг мароқли дам олиши учун шаҳар кўркига кўрк бағишлайдиган масканга айлантирилган. Аммо ёмғир сувлари натижасида бу жой қум билан тўлиб қоларди.
Аму-Қашқадарё ирригация тизимлари ҳавза бошқармаси томонидан соҳилга земснаряд (техник кема) олиб келиниб, айни пайтда тозалаш ишлари бошлаб юборилди.
«Ҳозирда Cidromex 800 Em русумли мазкур земснаряднинг кучи билан соатига 80 куб метр лойқа чиқарилиб, дарё 7-8 метр чуқурликда чўкиндилардан тозаланмоқда», – дейди бошқарманинг бош механиги Фарҳод Умбаров.
Мустақиллик байрамигача ушбу юмушлар сифатли бажарилиб, ҳудуд қиёфаси янада чирой очади.
Изоҳ (0)