Шавкат Мирзиёев 14 июль куни «Кўксарой» қароргоҳида Туркманистон президенти Сердар Бердимуҳамедовни кутиб олди. Бу ҳақда Президент матбуот хизмати хабар қилди.
Қайд этилишича, олий мартабали меҳмонни расмий кутиб олиш маросими бўлган. Шавкат Мирзиёев ва Сердар Бердимуҳамедов махсус шоҳсупага кўтарилган. Икки давлат мадҳиялари янграган.
Фахрий қоровул бўлинмаси бошлиғи рапорт бергач, давлат раҳбарлари қоровул сафи олдидан ўтиб, ўзбек ҳарбий хизматчиларини қутлаган ва Ўзбекистон Республикаси давлат байроғига эҳтиром кўрсатган.
Сўнг президентлар расмий делегациялар аъзоларини бир-бирига таништирган. Биргаликда суратга тушиш маросимидан сўнг давлат раҳбарлари тор доирада музокара ўтказиш учун мўлжалланган залга ўтган.
Изоҳ (0)