Фарғона вилояти Данғара туманида фуқарони ижтимоий тармоқлар орқали обрўсизлантирмоқчи бўлган товламачи ушланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Данғара туман бўлими томонидан ИИБ ходимлари билан ҳамкорликда тезкор тадбир ўтказилган. Унда фуқаро Д.М. (аёл) фуқаро Э.нинг қадр-қиммати ва обрўсига путур етказиши мумкин бўлган фотосурат ва видеоларни интернет ижтимоий тармоқларида тарқатиб юбориши билан қўрқитгани аниқланган. У бу ишни қилмаслик эвазига аёлдан товламачилик йўли билан 2 минг долларни талаб қилиб олган вақтида ашёвий далиллар билан ушланган.
Ҳолат юзасидан Жиноят кодексининг 165-моддаси (товламачилик) билан жиноят иши қўзғатилиб, терговга тегишлилиги бўйича юборилган.
Мавзуга доир:
- Жиззахда 21 ёшли йигитни аёллар билан юришини ота-онасига айтиш билан қўрқитиб, ундан 3 млн сўм талаб қилган шахслар ушланди
- Андижонда аёлларнинг интим суратлари ва видеосини интернетда тарқатиш билан қўрқитиб, улардан пул ундириб келган шахс 5 йилга озодликдан маҳрум қилинди
- Андижонда 16 ёшли қизнинг шахсий маълумотларини тарқатмаслик учун 200 минг олган йигит ушланди
Изоҳ (0)