UNICEF билан ҳамкорликда Қорақалпоғистон, Қашқадарё, Термиз ва Тошкент шаҳарларида қизлар учун Skills4Girls бепул ўқув дастури ишга туширилди. Бу ҳақда IT Park хабар берди.
Дастурда 12-18 ёш оралиғидаги барча қизлар рақамли саводхонлик ва график дизайн бўйича иштирок этиши мумкин.
Лойиҳа қизларга IT соҳасидаги асосий кўникмаларни бериш учун мўлжалланган. Унда қатнашиш орқали қизларда ишга жойлашиш ёки фрилансер сифатида фаолият бошлаш имконияти пайдо бўлади.
Лойиҳа 6 ой давомида — июндан ноябргача олиб борилади.
Рақамли саводхонлик курси Microsoft Office, Web технологиялари (HTML ва CSS) ва Scratch асосларидан ташкил топган.
График дизайн эса Photoshop ва Corel Draw дастурлари билан ишлашни ўз ичига олади. Бундан ташқари, лойиҳа иштирокчиларига менторлик ёрдами берилади.
Аввалроқ IT Park Қорақалпоғистон аёллари учун таълим лойиҳасини ишга туширгани ҳақида хабар берилганди.
Изоҳ (0)