Санкциялар ва жамоатчилик босими туфайли Россиянинг IT-пудратчиларга қизиқиш деярли қолмади. Уларнинг ўрнини аутсорсинг марказига айланишни мақсад қилган Ўзбекистон эгаллаши мумкин, деб ёзади Forbes.
Аутсорсинг — бу бир компания айрим функциялар ёки хизматларни бошқа компанияга топшириши. Аутсорсинг бутун дунёда жуда кенг тарқалган, чунки бу харажатларни камайтиришга ёрдам беради. Масалан, кўплаб Америка компаниялари мижозларни қўллаб-қувватлаш хизматларини Ҳиндистонга аутсорсинг қилган.
Посцовет давлатлари орасида аҳолимиз энг тез ўсиб бормоқда, шунинг учун бизда инсон капитали бор, — дея тушунтиради Ахборот технологиялари ва коммуникацияларини ривожлантириш вазири Шерзод Шерматов.
Унинг сўзларига кўра, сўнгги 3,5 йил ичида English Speaking Nation ва IT Nation каби бир қанча давлат дастурлари ишга туширилди. Улар барча битирувчиларнинг инглиз тилида эркин сўзлаша олиши ва IT соҳасида пул ишлашларини таъминлашга қаратилган.
Июнь ойида Шерзод Шерматов йирик делегация бошчилигида Сан-Францискога ташриф буюриб, Ўзбекистонни Россия ва Беларусга муқобил IT-аутсорсинг марказ сифатида таклиф қилган.
Вазир Украинада уруш бошланганидан кейин 6 мингга яқин россиялик ва беларуслик Ўзбекистонга кўчиб келганини таъкидлади.
Масалан, EPAM Systems ва Exadel минглаб ходимларини Минскдан Тошкентга IT-Park томонидан ташкил этилган рейсларда олиб келган.
Ўтган йили EPAM’да Ўзбекистонда 300 га яқин киши ишлаган бўлса, келгуси йилда компания ходимлари сонини 3000 кишига етказишни режалаштирмоқда, - дейди Шерматов.
Ҳозирда бошқа компанияларни Ўзбекистонга ривожланаётган бозор сифатида қарашлари учун иш олиб борилмоқда.
Бу жараёнда ёрдам бераётганлардан бири RevoTech компанияси асосчиси Нодир Рўзматовдир. Унинг компанияси Нью-Йоркда жойлашган, аммо Тошкентда 450 дан ортиқ ходими бор.
Бир марта битта суғурта компанияси билан гаплашган, улар ҳиндистонлик шерикларидан унчалик мамнун эмасликларини билдирган. Мен уларга аутсорсингим жойлашган Ўзбекистонни таклиф қилдим. Америкаликлар қизиқиб қолди, - дейди Рўзматов.
Ўзбекистон 2028 йилга бориб йиллик IT экспортини 1 миллиард долларга етказишни режалаштирмоқда. Таққослаш учун, 2022 йилда 100 миллион доллар прогноз қилинмоқда.
Агар бу амалга оширилса, IT олтин каби қиммат экспортга айланади ва камбағалликни камайтиришга катта ҳисса қўшади.
Forbes’нинг фикрича, агар Ўзбекистон нарх-наво нисбати бўйича Филиппин ёки Ҳиндистон каби яхши хизматларни таклиф қила олса, ҳозирги барча саъй-ҳаракатлар ўз самарасини беради.
Аввалроқ Шерзод Шерматов Ўзбекистон нима учун чет эл IT компанияларини таклиф қилишини тушунтирган эди.
Изоҳ (0)