Беларусь ҳукумати мамлакатдан чиқиш тартибини аниқлаштирувчи қонун лойиҳасини ишлаб чиқди, деб ёзади Meduza. Парламентнинг кузда бўлиб ўтадиган сессиясида кўриб чиқиладиган ҳужжатга «Зеркало» нашри эътибор қаратди.
Тузатишларга мувофиқ, Беларусь Давлат хавфсизлик қўмитаси нафақат профилактика рўйхатида турган фуқароларнинг, балки «сафари миллий хавфсизлик манфаатларига зид» бўлган фуқароларнинг ҳам мамлакатдан чиқишини чеклаши мумкин. Бундай тақиқ ярим йилгача муддатга киритилиши мумкин. Қандай фуқаролар ва қандай асосларда бу тоифага тушишига қонун лойиҳасида аниқлик киритилмаган.
Шунингдек, «бошқарув тартибига қарши қонунбузарликлар» бўйича маъмурий ишлар қўзғатилган фуқароларнинг ҳам Беларусдан чиқиши тақиқланади. Бунгача тақиқ фақат маъмурий жаримага тортилган ва уларни тўламаган одамларга нисбатан амал қиларди.
Республика куч органлари, шунингдек, қуролли кучлар ходимлари учун фақат уларнинг раҳбарияти билан мувофиқлаштирилган ҳолатда мамлакатдан чиқишига рухсат берилади. «Миллий хавфсизлик манфаатларини таъминлаш мақсадларида» уларнинг мамлакатдан чиқишига ҳам рухсат берилмаслиги мумкин.
Изоҳ (0)