Ўзбекистонда 9 июль куни Қурбон ҳайити байрами нишонланиб, қатор ҳудудларда қурбонлик учун жонлиқлар сўйилиб, гўштлари тарқатилди. Шу билан бирга, баъзи фуқаролар қурбонлик қилинган мол ва қўйларнинг айрим қисмларини чиқинди сифатида ташлаб юборгани акс этган тасвирлар ижтимоий тармоқларда тарқалди.
Хусусан, тарқалган видеоларнинг бирида айтилишича, Қарши шаҳрида қурбонлик қилинган қўчқорларнинг калла-почаси кўчага ташлаб кетилган.
«Дарё» муштарийларидан бири Тошкент вилояти Зангиота тумани Назарбек шаҳарчасида автомобиль йўли кесишмасида бир уюм чиқиндилар ташлангани, унда қурбонлик қилинган мол ва қўй терилари борлигига гувоҳ бўлган.
Бухорода эса қурбонлик қилинган мол ва қўйларнинг ичак-чавоқлари ариқ сувларига ташлангани аниқланган.
Ариқлар вилоят Экология бошқармаси ходимлари томонидан тозаланган.
Изоҳ (0)