Криштиану Роналдунинг ёзда «Манчестер Юнайтед»ни тарк этиш эҳтимоли паст.
The Independent хабарига кўра, «Манчестер Юнайтед» ушбу трансфер ойнасида 37 ёшли футболчини сотиш ниятида эмас ва янги ҳужумчи сотиб олишни режалаштирмаяпти.
Португалияликнинг агенти Хорхе Мендеш мижози учун вариантларни ўрганиб чиқмоқда, аммо потенциал харидорлар кўп эмас.
«Челси» раҳбарияти Роналдунинг трансферини кўриб чиқишга тайёр эди, аммо Криштиану «кўклар» бош мураббийи Томас Тухелнинг режаларидан ўрин олмади.
Қайд этилишича, Мендешнинг потенциал харидорлар билан бўлган музокараларининг биринчи раунди шу қадар заиф реакцияга сабаб бўлганки, Роналду ва унинг агенти футболчининг маошини сезиларли даражада камайтиришга тайёр бўлган.
Аввалроқ Роналду «Манчестер Юнайтед» билан мавсумолди турнега бормаслиги ҳақида хабар берилганди. Кейинчалик ушбу маълумотни клуб ҳам тасдиқлади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)