Shavkat Mirziyoyev 8-iyul kuni Yaponiyaning sobiq bosh vaziri Sindzo Abe suiqasd oqibatida bevaqt vafot etgani munosabati bilan Yaponiya imperatori Naruxito va bosh vaziri Fumio Kisidaga hamdardlik yo‘lladi. Bu haqda Prezident matbuot kotibi xabar qildi.
Qayd etilishicha, ta’ziyanomalarda janob Abening strategik dasturlari va innovatsion tashabbuslari Yaponiyaning barqaror rivojlanishiga, mamlakatning xalqaro munosabatlar va jahon iqtisodiyoti tizimidagi rolini yanada kuchaytirishga xizmat qilgani qayd etilgan. Yirik davlat arbobining O‘zbekiston va Yaponiya o‘rtasidagi ko‘p qirrali munosabatlarni rivojlantirish, strategik sheriklik aloqalarini izchil va samarali kengaytirish borasidagi shaxsiy xizmatlari doimo yuqori qadrlanishi ta’kidlangan.
Shuningdek, davlat rahbari marhumning rafiqasi va barcha yaqinlariga chuqur hamdardlik izhor etgan.
Izoh (0)