Микротўлқинли печ ёрдамида сиз оз фурсатда товуқ тўшини ва нўхатни пиширишингиз, попкорн ва иссиқ шоколад тайёрлашингиз мумкин.
Нўхатни қандай қилиб тез қайнатиш мумкин?
Қуруқ нўхатни чуқур шиша идишга солинг ва сув билан тўлдиринг. Бир чимдим сода қўшинг. Идишни озиқ-овқат плёнкаси билан ёпинг ва микротўлқинли печга 10 дақиқага қўйинг. Шундан сўнг нўхат яна 30-40 дақиқа қайнатилади. Бундай жараёндан сўнг тезроқ пишади.
Товуқ тўшини қандай қилиб тез қайнатиш мумкин?
Товуқ тўшини зираворланг. Уни идишга солиб, ярим стакан сув қуйинг. Идишни плёнка билан маҳкам ёпинг ва микротўлқинли печга 4-5 дақиқага қўйинг.
Бир вақтнинг ўзида иккита порция овқатни қандай иситиш мумкин?
Вақт ва энергияни тежаш учун микротўлқинли печда бир вақтнинг ўзида икки порция овқатни иситиш мумкин — масалан, бир коса шўрва ва қуюқ овқат. Печга чуқурроқ тарелка, унинг устига текис, каттароқ диаметрли тарелка қўйинг. Микротўлқинли печни 3-3,5 дақиқа давомида ёқинг, овқатларни бир хилда қиздиринг.
Цитрус мевалардан қандай қилиб кўпроқ шарбат олиш мумкин?
Цитрус мевалардан кўпроқ шарбат олиш учун лимон, лайм, апельсин ёки грейфрутни микротўлқинли печга 20 сонияга қўйинг. Кейин эса мевани иккига бўлиб, шарбатини сиқиб олинг.
Попкорн қандай қилинади?
Попкорнни уйда осонгина тайёрлаш мумкин. Доналарни маккажўхори ҳажмидан 10 баробар каттароқ қоғоз пакетга солинг. Пакетнинг юқори қисмини бир неча марта ўранг ва микротўлқинли печга қўйинг.
Пиццани қандай иситиш керак?
Агар совиган пицца бўлаги микротўлқинли печда иситилса, намлик йўқолиши туфайли у жуда қуриб кетиши мумкин. Бунинг олдини олиш учун камерага бир стакан сув қўйинг — пицца яна юмшоққина бўлади.
Иссиқ шоколад қандай тайёрланади?
Энг оддий, аммо энг мазали иссиқ шоколад учун стаканга 1 чой қошиқ шоколад пастаси солинг ва уни сут билан тўлдиринг. Ичимликни микротўлқинли печда 1-2 дақиқа ушлаб туринг, кейин аралаштиринг.
Изоҳ (0)