Вақт ўтиши билан диван ва креслолар, айниқса, меҳмонхонада жойлашгани тез кирланадиган бўлиб қолади. «Новий очаг» нашри уларни қопламасига зарар етказмай қандай тозалаш кераклиги ҳақида маълумот беради.
Чангютгич
Дивандаги доғ ва кирларни кетказишдан олдин ёстиқларини ҳам яхшилаб чангдан тозалаш керак. Бу чангюткичнинг энг узун чўткали думалоқ насадкаси билан амалга оширилади.
Агар чангютгичда ювиш режими ҳам бўлса, янада яхши. У кир ва доғларни кетказади, фақат қопламага зарар бермаслик учун уни минимал қувватга ўрнатиш кераклигини унутманг.
Ош содаси
Диван қопламасини ош сода билан ювинг, уни асталик билан юзага сепинг. Буни кичик элакда қилиш қулайроқдир.
Агар матода ёқимсиз ҳид бўлса, содага бир неча томчи ўзингиз ёқтирган эфир мойини қўшишингиз мумкин. Содани қопламада бир-икки соатга қолдиринг ва кейин қопламани чангюткичда яхшилаб тозаланг. Содани ҳўллаш ва қопламани латта билан артиш шарт эмас, бу юзада доғлар пайдо бўлишига олиб келиши мумкин, натижада ҳўл содани чангютгич билан кетказиш қийин бўлади.
Чойшаб
Йиғилган чанг ва ёқимсиз ҳидларни нам чойшаб ёрдамида кетказиш мумкин. Чойшаб билан диванни ёпинг, сўнгра гилам қоқгични олиб, барча юзаларга уринг. Чанг чойшабга тушади ва қоплама тозаланади.
Соқол оладиган кўпик
Қопламадаги алоҳида доғлар соқол олишда ишлатиладиган кўпик ёрдамида яхши кетади, улар ифлосланган юзага суртилиши ва бир муддат қолдирилиши керак.
Нашатир спирти
Бу ёғли доғларни кетказишга ёрдам беради. Ярим литр сувга 1 чой қошиқ аммиак ва 2 чой қошиқ лимон шарбати қўшинг. Губкани эритма билан намланг ва доғни артиб олинг.
Водород пероксид
Дивандаги шароб доғини кетказиш учун водород перикс ва суюқ совунни 1: 2 нисбатда ишлатинг. Доғни артинг, қирралардан марказга қараб ишқаланг ва бир неча дақиқа кутинг. Ортиқча суюқлик диваннинг ичига кириб бориши мумкин, натижада ёмон доғлар пайдо бўлади.
Изоҳ (0)