Фарзанд кутиш ўзига хос сеҳрли даврдир, фақат ҳар бир триместрда аёлга ҳамроҳ бўладиган барча қийинчиликлар бундан мустасно. Кўпинча улар 2-3 босқичларда ҳомиладорлик ҳақида кўпроқ гапиради: катта қорин билан ухлаш қийинлиги, чақалоқнинг тепиши, юрак уришининг тезлашиши ёки гормонал номутаносиблик тўйиб ухлашга тўсқинлик қилади. Аслида, уйқу билан боғлиқ муаммолар ҳар қандай вақтда пайдо бўлиши мумкин. «Новий очаг» нашри айнан ҳомиладорликда уйқусизликка қарши курашда ёрдам берадиган лайфхакларни тақдим этди.
Ҳомиладор аёллар учун ёстиқ
Ҳомиладорлар учун ҳеч қандай мукаммал ёстиқ йўқ, шунинг учун қулайини топишда бироз синчковлик талаб қилинади. Аввало танлов уйқу ҳолатига таъсир қилади. Қулай ёстиқ сон, оёқ, бел ва бўйинни мукаммал қўллаб-қувватлайди — бу эса тўлиқ дам олиш ва сифатли уйқуни англатади.
Оз-оздан ва тез-тез овқатланинг
Ҳомиладор аёллар кўпинча учинчи триместрда ошқозон ва жиғилдон қайнаши каби ноқулайликларга дуч келади. Бунинг сабаби шундаки, гормонлар ошқозонга киришдаги клапанни бўшаштиради ва кислота қизилўнгачга кириб, уни безовта қилади. Агар озроқ ва тез-тез овқатлансангиз, ошқозон кўп миқдорда суюқлик ишлаб чиқаришга вақт топа олмайди ва жиғилдон қайнаши кузатилмайди.
Кўпроқ сув ичинг, лекин ётишдан олдин эмас
Охирги босқичларда гормон контцентрациясининг ошиши пешоб чиқаришни тезаштириши мумкин. Бундан ташқари, сийдик пуфагига бачадон босими ошади. Биргаликда бу уйқусизлик учун мукаммал комбинация бўлиб хизмат қилади. Бунинг учун сув ичишни камайтириш мутлақо мумкин эмас: бу ҳомила атрофида озуқа моддаларининг айланишини таъминлайди ва қўшимча равишда оёқларда томир тортишишини енгиллаштиради. Эрталаб ва тушдан кейин кунлик миқдорнинг кўп қисмини ичишга ҳаракат қилиш ва ётишдан бир неча соат олдин суюқлик қабул қилишни чеклаш тавсия этилади.
Бошингизни кўтаринг
Ҳомиладор аёлларда тунги уйқусизлик хавфи юқори. Ёстиқни юқорироқ қилиб ётиш муаммони ҳал қилишга бироз ёрдам беради. Бундан ташқари, юрак тезлашиши хавфини камайтиради.
Хонани бироз салқинлатинг
Гормонал ўзгаришлар ва қон миқдорининг ўзгариши туфайли ҳомиладор аёллар кўпинча исиб кетишга дуч келади. Аёл ҳаракатсиз ўтирган бўлса ҳам, организм кўпроқ иссиқлик ҳосил қилади. Бу, айниқса, ёз кунлари ухлашни қийинлаштириши мумкин. Агар уйда кондиционер бўлса, уни ёқиш ёки деразани очиб қўйиш тавсия этилади.
Изоҳ (0)