Krishtianu Ronaldu yozda “Manchester Yunayted”ni tark etishga tayyor.
The Times xabariga ko‘ra, portugaliyalik futbolchi klub rahbariyatiga agar yaxshiroq taklif tushsa, uni sotib yuborishni so‘radi. 37 yoshli hujumchi faoliyati so‘ngiga qadar Chempionlar Ligasida o‘ynamoqchi. Ronaldu yana 3-4 yil faoliyatini yakunlash niyatida emas.
Mankunianliklar 2021/22-yilgi mavsum APLda 6-o‘rinni egalladi va Yevropa Ligasi yo‘llanmasini qo‘lga kiritdi. Ronaldu jamoani hurmat qiladi, ammo ko‘proq narsani kutadi.
Krishtianuga “Napoli” jamoasi ham qiziqish bildirgan. Oldinroq futbolchi o‘z xizmatini “Inter”ga taklif qilgandi.
Avvalroq Krishtianu faoliyatini “Roma”da davom ettirishi mumkinligi ma’lum qilingandi. Keyinchalik “Bavariya” ham uni o‘z safiga qo‘shib olishga harakat qilishi haqida xabar berilgandi. Ammo myunxenliklar sport direktori Hasan Salihamijich mish-mishlar haqiqatga to‘g‘ri kelmasligini aytib o‘tdi.
Ronaldu 2021/22-yilgi mavsum mankunianliklar safida barcha musobaqalarda 39 ta o‘yinda maydonga tushib, 24 ta gol va 3 ta golli uzatmani amalga oshirdi.
Izoh (0)