«Челси» ҳужумчиси Ромелу Лукаку «Интер»га қайтди. Бу ҳақида лондонликлар расмий сайти маълум қилди.
Миланликлар 29 ёшли ҳужумчини ижарага олди. «Аристократлар» бельгияликнинг ижарасидан 8 миллион евро олади, «Интер»да сотиб олиш ҳуқуқи мавжуд бўлмайди.
Италия клубига ўтиш учун Лукаку маоши 30% қисқаришига рози бўлди.
Ромелу 2019 йилдан 2021 йилга қадар «Интер» шарафини ҳимоя қилган. 2021 йил ёзида «Челси» ҳужумчини 115 миллион еврога харид қилган.
29 ёшли ҳужумчи 2021/22 йилги мавсум «Челси» сафида барча мусобақаларда 44 та ўйинда иштирок этиб, 15 та голга муаллифлик қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)