Instagram: Умидахон янги уйли, Одина Тўхтасинова машинали бўлди, Алишер Узоқов кумири билан учрашди, Достон Эргашев ЙПХ ходимининг тўйида бепул хизматда бўлди

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.Айни пайтда Туркиянинг Истанбул шаҳрида «Мендирман Жалолиддин» сериали суратга олиш ишларида банд бўлган актриса Райҳон Уласенованинг кенжа фарзанди Марямхон 6 ёшга тўлди. Райҳон Уласенова қизалоғини ушбу сана билан қандай табриклаганини мухлисларига кўрсатди.

«Биз самода қуш каби учишни, сув остида балиқдек сузишни ўрганиб олдик, ўрганишимиз керак бўлган ягона нарса қоляпти, у ҳам бўлса Ер юзида инсон каби яшаш», — деб ёзди Ситора Фармонова.

Дурдона Қурбонова Тошкент шаҳар ИИБ ЙҲББ томонидан фахрий ёрлиқ билан тақдирланди. Актриса аввалроқ ЙПХ ходимларига сув улашган эди.

Жаҳонгир Хўжаев ва Асал Абдуллаева Вьетнамга саёҳат қилди ҳамда кузатувчиларига ушбу мамлакат ҳақидаги таассуротларини сўзлаб берди.

Нилуфар Усмонова Иззат Шукуров ва унинг рафиқаси Робияхонни тўйдан сўнг уйларида кутиб олди ҳамда улар учун сара қўшиқларини ижро этди.

Келинсалом маросимида эса таниқли хонанда Ирода Дилроз хизматда бўлди.

Лола кузатувчиларига сифатли овқатланиш, яхши китобларни ўқиш ҳамда севимли инсонлар ёнида бўлишни маслаҳат бермоқда.

Актёр Алишер Узоқов ўз кумири, франциялик футбол мураббийи Арсен Венгер билан учрашди ҳамда унга тўн кийдирди.

Турк киносининг юлдузли жуфтлиги Бурак Ўзчивит ва Фаҳрие Эвжен мухлисларига биргаликда кўриниш берди.

Хонанда Достон Эргашев ўзига мухлислик қиладиган ЙПХ ходимининг тўйида бепул хизматда бўлгани ҳақида сўзлаб берди.

Шаҳло Аҳмедова мухлисларига Туркиянинг Истанбул шаҳридан кўриниш берди.

Умидахон кузатувчиларига тез орада янги уйга кўчиши ҳақида сўзлаб берди ҳамда янги уйида олиб борилаётган таъмир жараёнидан видео тайёрлади.

«Шукрона» ва «Сенсиз» сериаллари актрисаси Одина Тўхтасинова янги машина харид қилди.