Мўғулистоннинг Улан-Батор шаҳрида дзюдо бўйича «Улкан тож» туркумига кирувчи халқаро мусобақа ўтказилмоқда.
26 июнь куни -90 кг вазн тоифасида Ўзбекистон шарафини ҳимоя қилган Давлат Бобонов медаллар учун кураш олиб борди. Бобонов финалга қадар мағлубиятсиз етиб борди. Ҳал қилувчи баҳсда россиялик Михаил Иголниковга имкониятни бой берди ва кумуш медал билан чекланди.
Шу тариқа ўзбекистонлик спортчи мазкур натижа орқали жаҳон рейтинги учун 700 очко, Париж—2024 Олимпиадаси йўлида эса 350 очкони қўлга киритди. Мазкур рейтинг очкоси эвазига Бобоновни ўз вазн тоифасида жаҳон рейтинги етакчисига айланади, дея маълум қилмоқда МОҚ матбуот хизмати.
Шу тариқа Ўзбекистон дзюдо терма жамоаси мусобақани 1 та олтин, 1 та кумуш ва иккита бронза медали билан якунлади.
Изоҳ (0)