Оуайн Дэвис исмли Буюк Британия фуқароси интернет фойдаланувчиларига йўқолиб қолган смартфони тарихи ҳақида сўзлаб берди, деб ёзади Aroged портал.
Оуайн ўзининг iPhone ХР смартфонини Синдерфорд яқинидаги Уай кўлига 2021 йилнинг августида эшкак эшиш вақтида тушириб қўйган. Дэвиснинг сўзларига кўра, у жуда хафа бўлган ва смартфонини бирор кун топиб олишдан умидини узган.
Орадан 10 ой ўтгач девайс ўз эгасига яна бутун ҳолда қайтиб келди. 2022 йилнинг июнида шаҳарнинг бошқа бир фуқароси дарё тубидан кўк ғилофдаги қора iPhone ХРъни топиб олган.
Омадли инсон телефонни лойдан тозалаган, уни қуритган ва ижтимоий тармоқларда унинг суратини жойлаштирган. iPhone қуригач, йигит уни ёқишга муваффақ бўлган ва блокировка экранида аппарат эгасининг оиласи билан тушган суратига дуч келган. Бу iPhone’ни эгасига қайтаришга ёрдам берган.
Эслатиб ўтамиз, 2021 йилнинг мартида ярим йил кўл остида ётган iPhone 11 барибир ишлашни давом этганди.
Изоҳ (0)