Россиянинг Рязань вилоятида Ил-76 ҳарбий-транспорт самолёти қулаб тушди, бортдаги тўққиз кишидан тўрт нафари ҳалок бўлди, деб ёзади «Коммерсантъ».
Фавқулодда вазиятлар вазирлигининг ҳудудий бошқармаси хабарига кўра, ерда вайронагарчиликлар бўлмаган. Мудофаа вазирлиги ҳалокатга двигателдаги носозлик сабаб бўлганини маълум қилди.
Mash Telegram-канали маълумотларига кўра, Ил-76 Оренбургдан Белгородга учаётган бўлган, Рязанга эса ёнилғи олиш учун қўнган. SHOT Telegram-канали хабар беришича, самолёт учиб чиққанидан кейин деярли дарҳол Михайлов шоссеси яқинига қулаб тушган.
Самолёт қулагани ҳақидаги хабар 3:18 да келиб тушган. Мудофаа вазирлигига кўра, Ил-76 двигателида носозлик аниқлангани сабабли, уни ўқув-машқ парвози чоғида қўндиришга қарор қилишган. Самолёт қисман вайрон бўлган.
Ҳалокатдан кейин ёнғин бошланган. «ТАСС» манбаларига кўра, беш киши касалхонага ётқизилган. Бир киши барқарор оғир аҳволда реанимацияга жойлаштирилган.
Изоҳ (0)