Россиянинг бир қанча банклари чет эл валютасидаги ҳисоб варақларда маблағларни сақлаш комиссияси жорий этилганини эълон қилганди. Уларнинг орасида Tinkoff, Raiffeisenbank, Citibank ва «Росбанк» бор.
Мутахассисларнинг фикрича, бу ҳолатда валютани комиссиядан тежаш усулларидан бири уни МДҲ мамлакатларидаги банкларга ўтказишдир. Аммо бу ишончлими? Бу ҳақда мутахассислар маълумот берди.
Муаммолар
Функционаллик нуқтаи назаридан МДҲ давлатларининг банк хизматлари Россияникидан унчалик фарқ қилмайди ва техник нуқтаи назардан бунда ҳеч қандай қийинчиликлар мавжуд эмас.
Лекин бошқа муаммолар мавжуд. Масалан, картанинг йўқолиб қолиши каби. Ҳисоб варақ очиш учун мамлакатдаги банк филиалида шахсан бўлиш талаб қилинганидек, жорий хизмат кўрсатиш масалалари ҳам шундай – уларни онлайн тарзда ҳал қилишнинг иложи йўқ.
Имкониятлар
МДҲ мамлакатлари орасида мен Арманистонга эътибор қаратган бўлардим. Улар иккиламчи санкциялар ҳақида камроқ гапиради, — дейди Sona Private Consulting бошқарувчи ҳамкори Нарине Беглярова.
Аниқ вариантлар орасида Ўзбекистон ва Қозоғистон бор. Тошкентда халқаро Visa ва Mastercard март ойидан бошлаб бир кунда чиқарилиши мумкин.
Мустақил молия эксперти Семён Новопрудский Қозоғистон ва Ўзбекистоннинг банк тизимларини етарлича ишончли, деб ҳисоблайди.
Ўзбекистон ва Қозоғистон банкларида Россия пуллари учун умумий «ов» бўлиши даргумон. Қозоғистоннинг молиявий тизими Хитойга жуда боғлиқ. Аммо Хитой банклари, албатта, иккиламчи санкциялар остида қолишдан жуда қўрқади. Аммо оддий руслар учун бу қандайдир катта таҳдид деб ўйламайман, – дейди у.
Унга кўра, агар Россия банкидан пул чиқариб, «Золотая корона» орқали пул ўтказишга ҳаракат қилинса, Қозоғистон ва Ўзбекистон ишончлироқдек кўринади.
Изоҳ (0)