Россия бу ҳафта облигацияларни тўлаш бўйича яна бир синовга дуч келади, унинг сўнгги асрдаги биринчи хорижий дефолт ҳолатига тушишига саноқли кунлар қолди. Бу ҳақда Bloomberg хабар берди.
Пайшанба ва жума кунлари жами 400 млн долларга яқин бўлган учта фоиз трансфери амалга оширилади. Лекин май ойининг охиридан бошлаб ўтказиб юборилган тўловлар бўйича якшанбага ўтар кечаси охирги муддат.
Бу маблағлар — тахминан 100 млн долларлик облигация купонлари халқаро санкциялар туфайли музлатиб қўйилган ва ечим топиш учун давлатга берилган имтиёзли давр 26 июнь куни тугайди.
Агар Россия қандайдир тарзда қарз эгаларига тўловларни амалга оширмаса, мамлакат амалда дефолт бўлиб қолади.
Бу ҳукуматнинг қарзларини тўлаш учун иродаси ёки пули йўқлиги туфайли эмас, аксинча белгиланган муддатда уни қайтара олмаганидан содир бўлмоқда.
Мамлакатга энергетика соҳасидан ҳар ҳафта миллиардлаб доллар даромад тушаётган бўлса ҳам, ўсиб бораётган санкциялар қарз тўлаш учун нақд пул ўтказиш йўлларини тўсиб қўйган.
Россия дефолт ҳолатига тушишга мажбур бўлаётганини даъво қилмоқда. Шу туфайли, вақтинчалик ечимлар топишга ҳаракат қиляпти. Ҳукуматнинг облигацияларга хизмат кўрсатиш механизмини белгиловчи фармонига кўра, унинг қарз мажбуриятлари рублда тўлов амалга оширилгандан сўнг бажарилган деб ҳисобланади.
Аввалроқ Россия молия вазири Антон Силуанов ҳукумат кейинчалик хорижий валютага айлантирилиши мумкин бўлган рублларни ўтказишини айтган эди.
Учта купон тўлови пайшанба ва жума кунлари амалга оширилади. Тўловни амалга оширмаслик дастлабки икки кун учун 30 кунлик имтиёзли давр тугашини ва охиргиси учун 15 иш куни ҳисобланишини англатади.
Аввалроқ Россиянинг дефолти глобал иқтисодиётга таъсир кўрсатмаслиги ҳақида Оқ уй баёноти берилган эди.
Изоҳ (0)