Сирдарё вилояти, Сирдарё туманидаги шиша ишлаб чиқариш заводи кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, завод барча ишлаб чиқариш ускунали билан савдога қўйилган. 4 қаватли бино 2018 йилда қурилган ва 14 хонадан иборат.
Ер участкасининг умумий майдони — 1,3 гектар. Бинонинг майдони — 8 632 квадрат метр. Заводда сув, электр, газ таъминоти ва канализация тизими мавжуд.
Лот аукционга иқтисодий судлар ҳукми билан Юнусобод тумани МИБ томонидан жойлаштирилган.
Аукционга қўйилган заводнинг бошланғич баҳоси — 247 млрд сўм. Аризалар 22 июль 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги 80 хонали офис биноси 25,6 млрд сўмга аукционга қўйилгани ҳақида хабар берилган эди.
Изоҳ (0)