Париж—2024 ёзги Олимпия ўйинларига йўлланма олиш мақсадида ташкил этилган «Олимпик» футбол клубига янги раҳбар тайинланди.
Миллий Олимпия Қўмитаси (МОҚ) раиси ўринбосари, Ўзбекистон бокс федерацияси раисининг биринчи ўринбосари Сакен Пўлатов «Олимпик» клуби президенти сифатида фаолият олиб боради. Бу ҳақида МОҚ матбуот хизмати маълум қилди.
Сакен Пўлатов ўзининг «Локомотив» клубидаги фаолияти билан футбол соҳасида катта тажрибага эга мутахассис ҳисобланади. У «темир йўлчилар» билан 3 бор мамлакат чемпионлигини (2016, 2017, 2018) қўлга киритган. Шунингдек, яна 3 марта Ўзбекистон Кубоги (2014, 2017,2018) баҳсларида ғалаба қозонган. Жамоа унинг бошқарувида 2016 йил Осиё Чемпионлар Лигасида чорак финалгача етиб борган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)