«Рома» бош мураббийи Жозе Моуриньо жамоа чемпионатга қадар яхши формада бўлиш учун янги мавсум олдидан бир нечта ўртоқлик ўйинлари ўтказмоқчи.
Рим жамоаси футболчилари таътилдан баҳраманд бўлмоқда. Баъзилари терма жамоа билан мусобақалардан эндигина қайтган бўлса, бошқалари Конференциялар Лигасидаги ғалабадан сўнг дарҳол таътилга чиққанди. Бироқ тез орада ёзги йиғинлар бошланади.
«Рома» учун янги мавсум бошланишига икки ҳафта вақт қолди: Тригориядаги дастлабки йиғиндан сўнг 4 июль куни жамоа Алгарвега учади ва у ерда 23 июлга қадар қолади.
Римликлар 13, 16 ва 19 июль кунлари ҳам ўртоқлик ўйинлари ўтказади. Португалиядаги йиғин учун тўлов, тахминан, 400 минг еврога тушади.
Терма жамоа ихтиёрида бўлган футболчилар 11 июлдан жамоага қўшилади. Асосий таркибда бир нечта Primavera футболчилари бўлиши кўзда тутилган, аммо бошқа таклифларни рад этса, жамоадан алоҳида машғулот ўтказишга мажбур бўладиган Амаду Диавара бўлмайди.
«Рома» Португалиядаги йиғин давомида 4 та ўртоқлик ўйини ўтказади: «Спортинг», «Ницца»га қарши, кейин эса португал ва испан жамоаларига қарши ўйинлар.
Тригорияда қуйи даражадаги рақибларга қарши синов ўйинлари режалаштирган бўлиб, чемпионат бошланишидан олдин, тахминан, 9 август куни Италияда яна бир ўртоқлик ўйини ўтказади. Моуриньо жамоани лигага юқори формада тайёр бўлиши учун дарҳол ўйинларни ўтказмоқчи.
Аввалроқ «Рома» 30 июль куни «Тоттенҳэм»га, 6 август куни «Барселона»га қарши ўйинлар ўтказиши маълум қилинганди.
Изоҳ (0)