Раъно Жўраева 2021 йил бошида Uzbekistan Airports’га раҳбар бўлганидан бери етти нафар аэропорт директорини ишдан бўшатди. Бу ҳақда у Alter Ego’га берган интервьюсида маълум қилди.
Май ойида Урганч аэропорти директори ишдан бўшатилган эди, ҳозир эса Навоийдаги аэропорт директорига синов муддати берилди.
Аэропорт директори ўта масъулиятли, инфратузилмани назорат қилувчи шахс бўлиши керак. Ҳар бир зарра уни ташвишга солиши керак, — деб тушунтирди Жўраева.
У аэропортдаги ҳамма нарса яхши ҳолатда, тоза ва тартибли бўлиши кераклигини таъкидлади.
Агар уйингизда кранингиз оқаётган бўлса-ю, сизга аҳамият бермасангиз, демак сиз ёмон хўжайинсиз. Аэропортда ҳам шундай, — деди Жўраева мисол тариқасида.
Унинг сўзларига кўра, мониторинг натижасида Ўзбекистон аэропортлари жуда ёмон аҳволда экани маълум бўлди – уларга ҳеч ким қамаган, ҳаммаси вайрон бўлган.
Лекин шундай шароитда ҳам ишлаш ва самарали бўлиш керак, деди Раъно Жўраева. Ҳозир шароит яхшиланмоқда, деди у.
Аввалроқ Тошкент аэропорти яқинидаги «автостоянкалар» Uzbekistan Airports балансига ўтказилгани ҳақида хабар берилган эди.
Изоҳ (0)