Ўзбекистонда коронавирус билан кунлик касалланиш ҳолати камайишни бошлади

Ўзбекистонда 19 июнь куни 93 кишида коронавирус қайд этилиб, мамлакатда пандемия бошидан бери коронавирусга чалингани расман тасдиқланганлар сони 239 726 нафарга етди, деб хабар беради Соғлиқни сақлаш вазирлиги матбуот хизмати.

Янги касалланиш ҳолатларининг:

• 3 нафари Андижон вилоятида,
• 6 нафари Бухоро вилоятида,
• 2 нафари Қашқадарё вилоятида,
• 2 нафари Наманган вилоятида,
• 4 нафари Самарқанд вилоятида,
• 6 нафари Тошкент вилоятида,
• 70 нафари Тошкент шаҳрида

коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида

• Бухоро вилоятида 2 нафар,
• Тошкент вилоятида 5 нафар,
• Тошкент шаҳрида 51 нафар

бемор тузалиб, касалликдан соғайганлар жами 237 713 (+58) нафарга етди ва соғайиш кўрсаткичи 99 фоизни ташкил этмоқда.

Таъкидлаш жоизки, мамлакатда коронавирус билан касалланиш ҳолати кетма-кет беш кундан буён ортиб келаётганди: 18 июнда 108 кишида, 17 июнда 90 кишида, 16 июнда 59 кишида, 15 июнда 57 кишида, 14 июнда 39 кишида касаллик қайд этилганди.