Тошкент шаҳрида 19 июнь куни кучли шамол бўлиши ва ёмғир ёғиши кутилмоқда. Шу муносабат билан шаҳар ҳокимлиги фуқароларга мурожаат билан чиқди.
Қайд этилишича, ҳокимлик аҳолидан эҳтиёткорлик чораларига риоя қилишни, дарахтлар ва темирли қурилмалар тагига автомашиналарни қўймасликни сўраган.
«Ноқулай об-ҳаво шароити – кучли шамол, ёғингарчиликлар билан боғлиқ ҳар қандай фавқулодда вазиятларда Тошкент шаҳар ҳокимлигининг тегишли хизматлари билан (71) 212-69-80, (71) 212-69-82, 1050 ва 1055 рақамларига мурожаат қилиб боғланишингиз мумкин», — дейилади хабарда.
Аввалроқ «Ўзгидромет» 19 июнь, якшанба куни учун об-ҳаво прогнозини эълон қилганди. Унга кўра, Тошкент шаҳрида ҳаво бироз булутли бўлади, вақти-вақти билан ўзгариб туради, куннинг иккинчи ярмида қисқа муддатли ёмғир ёғиши, момақалдироқ бўлиши мумкин.
Изоҳ (0)