Toshkentdagi “Bunyodkor” stadionida 19-iyun, yakshanba kuni futbol bo‘yicha U-23 Osiyo Kubogi—2022 musobaqasining final bahsi bo‘lib o‘tadi. Unda Temur Kapadze qo‘l ostidagi O‘zbekiston U-23 terma jamoasi Saudiya Arabistoniga qarshi maydonga tushadi.
O‘zbekiston yarim finalni muxlislarsiz o‘tkazgandi, hal qiluvchi o‘yinda tomoshabinlar tashrifiga ruxsat berilgan.
O‘zbekiston olimpiyachilari guruhda Turkmaniston, Eron va Qatarni ortda qoldirgan holda, birinchi o‘rin bilan chorak finalga yo‘l oldi. Dramatik o‘yinda Iroqni yenggan mezbonlar yarim finalda Yaponiyaga imkon qoldirmadi.
Saudiyaliklar o‘z guruhida Yaponiya, BAA va Tojikistondan o‘tib, chorak finalga chiqdi. Avvaliga Vyetnam, keyin esa Avstraliya 2:0 hisobida mag‘lubiyatga uchratildi. Qayd etish kerak, Saudiya Arabistoni ushbu musobaqada hozirga qadar hali birorta gol o‘tkazib yubormadi.
Uchrashuv 18:00 da start oladi. Muxlislarning stadionga kirishi 14:00 dan boshlanishi ma’lum qilingan. O‘yingohga kira olmagan ishqibozlar uchun “Bunyodkor” avtoturargohi yonida monitor o‘rnatiladi.
Mavzuga doir:
Izoh (0)