Миллий гвардиянинг ҳудудий бошқармалари навбатчилик қисмларида 2022 йил 15 июндан 1215 қисқа рақамли телефон тармоғи фаолияти ташкил этилди.
Миллий гвардия қўмондонининг буйруғида белгиланганидек:
- қисқа рақамли телефон орқали — фуқароларнинг, шунингдек, Миллий гвардия бўлинмалари шахсий таркиби ва уларнинг оила аъзоларининг қўнғироқлари қабул қилинади, рўйхатга олинади ва ҳар куни соат 09:00га қадар биринчи раҳбарга кўриб чиқиш учун киритилади;
- ҳудудий бошқармалар бошлиқлари ўз ваколати доирасида қисқа рақамли телефон орқали тушаётган қўнғироқлар масаласини қонунчилик ҳужжатларида белгиланган тартибда кўриб чиқилишини ва ҳал этилишини таъминлайдилар.
Қўнғироқлар бутун Ўзбекистон Республикаси барча ҳудудидан 1215 ягона рақам орқали қўнғироқ қилиш йўли билан бепул амалга оширилади.
Қисқа рақамли телефон навбатчилик қисмларида 24 соат мобайнида тун-у кун фаолият олиб боради.
Қўнғироқларни қабул қилиш давомийлиги 20 дақиқадан ошмаслиги лозим, ушбу муддат тугагандан кейин қўнғироқ автоматик тарзда алоқа тармоғидан узилади.
Қисқа рақамли телефонга тушган қўнғироқ бўйича ҳар кун эрталаб соат 09:00 дан кечиктирмай Миллий гвардия бўлинмалари раҳбарларига (ҳудудий бошқарма бошлиғига) ёзма ахборот берилади.
Изоҳ (0)