Кўпгина аёллар музлаткичда терини яхшилаш учун керак бўлган ҳамма нарса борлигини билмайди. Ҳозирда дўконларда жуда кўп миқдорда турли хил ниқоблар мавжуд, шунинг учун ҳам камчилик уй шароитида тайёрлаш мумкин бўлган рецептларга мурожаат қилади. Табиий маҳсулотлар камчиликларни доимо самарали ҳал қилади. Масалан, оддий хом картошка бир қатор муаммоларни бартараф этиши мумкин, деб ёзади Grazia.
Хом картошка юз терисига қандай таъсир ўтказади?
Картошка таркибида полифенол, антиоксидант хусусиятларга эга органик бирикмалар мавжуд. Бу сабзавот терини хавфли қуёш нурларидан ҳимоя қилади ва кўринишини яхшилайди. Кўз остидаги доғлар ва қора халқачаларни йўқотишга ёрдам беради.
Картошка шарбати рух ва темирга бой бўлиб, яллиғланишни камайтиради, юз рангини яхшилайди ва терини соғлом порлаш билан таъминлайди.
Хом картошкадан қандай фойдаланиш керак?
Картошкани нафақат истеъмол қилиш, балки гўзаллик муолажаларида ҳам қўллаш мумкин. Хом сабзавот тозаланади ва майдаланади. Сўнгра шарбати сиқиб олинади. Картошка суюқлигида пахта намланади ва юз, бўйинга суртилади. Ундан кейин юзга намлантирувчи крем суртилади.
Ушбу процедурани ҳафтасига 1-2 марта такрорлаш мумкин. Фақат янги картошкадан фойдаланиш керак. Шарбатни қайта фойдаланиш учун сақламаслик лозим, уни тайёрлагандан кейин дарҳол фойдаланиш керак.
Картошкали ниқоб рецепти
Агар ўлик ҳужайралардан халос бўлиш ва қариш белгиларини камайтириш керак бўлса, унда яримта майдаланган хом картошкани икки ош қошиқ оддий йогурт билан аралаштириб, кўз атрофидан ташқари, юзга суртилади. 15 дақиқа кутилади ва кейин юз ювилади. Жараён ҳафтада икки марта амалга оширилиши мумкин.
Юзга янги маҳсулотни қўллашдан олдин унга аллергия бор-йўқлигини текшириб кўриш тавсия этилади. Қўлнинг ички қисмига картошка шарбати ёки тайёрланган ниқоб суртилади ва бироз кутилади. Агар бирор-бир ноқулайлик пайдо бўлса, мазкур маҳсулотдан фойдаланмаган маъқул.
Изоҳ (0)