Сочларнинг чиройли кўриниши ҳамда тўғри парвариши учун 7 та лайфхак

Сочларни тўғри парваришлаш осон иш эмас. Баъзилар сочлар ёғли кўринмаслиги учун деярли ҳар куни уларни ювиши керак. Кимдир, аксинча, уларни доимо намлайди ва қуруқ ёки бўялган сочлар учун ниқоблар қилади. Кимдир сочларнинг тўкилишидан безовталанади, кимдир эса ҳажмнинг етишмаслигидан. «Новий очаг» нашри сочларни чиройли кўринишга олиб келадиган 7 та лайфхакни тақдим этди.

Бутун бошни эмас, балки чолкаларни ювинг

Жуда тез-тез шампунлаб ювиш бош териси ва сочларнинг ҳаддан ташқари қуришига ва тез орада ёғ ҳосил бўлишининг кучайишига олиб келади. Агар сочлар узун бўлса, бутун бошни ювмаслик керак. Фақат чўлкани ювиш орқали чиройли турмаклаш мумкин.

Ипак ёстиқда ухланг

Пахмоқ, жингалак сочлар учун ажойиб лайфхак. Оддий пахта ёстиқ жилдларини ипак ёки сатин билан алмаштириш тавсия этилади. Бундай ёстиқчалар сочларнинг катикуласини бўшаштирмайди. Бунинг ёрдамида силлиқ, порлоқ сочлар ва тоза бош билан уйғонасиз.

Бошни пахта сочиқ билан ўраманг

Худди шу сабабга кўра, жуда қулай бўлишига қарамай, ювишдан кейин бошни пахта сочиқ билан ўраш одатидан воз кечиш керак. Бу, айниқса, жингалак ёки пахмоқ сочларга тўғри келади. Пахта сочиқлар ташқи ва ички намликни ўзлаштиради, бу сочлар учун яхши эмас. Барча намликни ўзлаштирмайдиган махсус микрофибер сочиқни ишлатинг.

Махсус тароқдан фойдаланинг

Нам сочларни оддий тароқларда тарашдан сақланиш керак. Бу вақтда соч толалари жуда нозик бўлади. Агар ювишдан кейин дарҳол буни қилиш керак бўлса, катта тишли тароқ сотиб олинг ёки бармоқлар билан таранг. Ёки турмалинли тароқ сотиб олиш мумкин, у сочни шикастламайди.

Сочни тўғри қуритинг

Сочни дарҳол қуритишга шошилмаслик керак. Кўпинча, бундай вақтда энг иссиқ режимда қуритилади. Бу ёмон фикр, аслида енгилроқ режимдан фойдаланиш лозим. Фенни бошга жуда яқин тутмаслик керак, яқин масофада у сочни қуритиб юборади, энг яхши масофа 30-40 сантиметр.

Тиш чўткаси

Агар сочлар жингалак бўлса, тиш чўткаси бошни янада тоза қилишга ёрдам беради. Чўткага шунчаки турмакловчи восита сепилади ва у билан соч толалари текисланади.

Ўсиб чиққан илдизларни яшириш

Сочларни жуда кўп бўяш ҳам ёмон. Аммо қайта ўсаётган илдизлар тартибсиз кўринади. Буни яширишнинг энг яхши йўли — сочларни иккига ажратишдир. Турмак кўринишини яхшилаш учун қуруқ шампундан фойдаланиш керак.