Ядро қуролини бекор қилиш бўйича халқаро компания (ICАN) таҳлилчилари ҳисоб-китобларига кўра, тўққизта «ядровий» давлат 2021 йилда деярли 13 минг ядро қуролини яратишга 82,4 млрд доллар сарфлаган.
АҚШ, Хитой, Россия, Буюк Британия, Франция, Ҳиндистон, Исроил, Покистон ва Шимолий Корея ядровий қурол яратиш технологиясига ва тегишли қуролларига эга.
Таққослаш учун, бир йил аввал ушбу тўққиз давлатнинг ядро қуроли ва технологиясига сарфлаган маблағи инфляцияни ҳисобга олган ҳолда 76 млрд долларни ташкил қилган. Дунёдаги ядро қуролларининг 90 фоиздан ортиғи Россия ва АҚШга тегишли.
Ҳар бир ядровий давлат ядро қуролини тадқиқ қилиш, ишлаб чиқиш ва ишлаб чиқаришга ҳар қуйидагича маблағ сарфлайди:
- АҚШ — дақиқасига 84 минг доллар, йилига — 44,2 млрд доллар;
- Хитой — дақиқасига 22 минг доллар, йилига — 11,7 млрд доллар;
- Россия — дақиқасига 16 минг доллар, йилига — 8,6 млрд доллар;
- Буюк Британия — дақиқасига 12 минг доллар, йилига — 6,8 млрд доллар;
- Франция — дақиқасига 11 минг доллар, йилига — 5,9 млрд доллар;
- Ҳиндистон — дақиқасига 4 315 доллар, йилига — 2,3 млрд доллар;
- Исроил — дақиқасига 2 315 доллар, йилига — 1,2 млрд доллар;
- Покистон — дақиқасига 2 151 доллар, йилига — 1,1 млрд доллар;
- Шимолий Корея — дақиқасига 1 221 доллар, йилига — 642 млн доллар.
Шунингдек ICАN таҳлилчилари ядровий қурол ишлаб чиқаришдан даромад оладиган компаниялар шартномаларини ҳам таҳлил қилди.
Ташкилот ҳисоб-китобларига кўра, турли компаниялар ядро қуролини ишлаб чиқиш, сақлаш ва жойлаштириш бўйича камида 151,2 млрд долларлик шартномалар олган.
Бу компанияларга American Aerojet Rocketdyne, Bechtel, Boeing, Draper, General Dynamics, Northrop Grumman, Lockheed Martin, Britannia BAE Systems, Франция CNIM ва Safran ва бошқалар киради.
Бир кун аввал Стокгольм халқаро тинчлик тадқиқот институти (SIPRI) барча тўққиз ядровий давлат ўз арсеналини фаол равишда модернизация қилишни бошлагани ҳақида ҳисобот эълон қилди.
Ташкилот директори Ден Смитнинг сўзларига кўра, ҳозирда ядро қуролидан фойдаланиш хавфи совуқ уруш авжига чиққандан бери ҳар қандай вақтга қараганда юқорироқ кўринади.
Изоҳ (0)