Украина ғалла етиштирувчилар ўз экинларини хорижга жўнатиш учун Болтиқ денгизи орқали янги экспорт йўлини ўйлаб топди. Бу ҳақда Bloomberg хабар берди.
Уруш Қора денгиздаги портлардан муҳим юк ташиш йўлини тўсилишига сабаб бўлгани, глобал озиқ-овқат нархининг ошиши ва очлик хавфини кучайтирганлиги сабабли, мамлакат ўз экинлари экспорти учун муқобил йўлларни қидирмоқда.
Ишлаб чиқарувчилар қуруқлик орқали сотиш ўрнига Европа Иттифоқи қўшниларига донни темир йўл, автомобиль ва дарё орқали жўнатишган.
Пуерто-А-Коруня матбуот котиби Рамон Кастронинг сўзларига кўра, Руминия орқали Испанияга жўнатилган Украина маккажўхори юки апрель ойида қайд этилган ва мамлакат энди Польшадан биринчи юкини олган.
«Алппила» кемаси у ерга душанба куни Украинадан юк машиналари билан олиб кетилган 18 минг тонна маккажўхори олиб келди», — деди у.
Украина маккажўхориси
Украина маккажўхорисининг дастлабки қисми Болтиқ денгизи орқали Испанияга йўл олди.
Янги юк ташиш йўли Украинанинг катта миқдордаги ғалла захирасини бўшатишга ёрдам беради. Бу Европа Иттифоқи чорвачилик фермерлари учун озиқ-овқат таъминотини ошириши мумкин.
Шунга қарамай, Украина савдоси одатдаги суръатлардан анча паст бўлиб қолмоқда. Агар вақтинчалик объектлар қурилмаса, мамлакатда келгуси ҳосилни сақлаш учун жой қолмаслиги кутилмоқда.
Аввалроқ 20 миллион тонна ғаллани Украинадан қандай олиб чиқиш мумкинлиги ҳақида хабар берилганди.
Изоҳ (0)