Гаваидаги Мауна Лоа расадхонасида 1958 йилдан бери станция олимлари атмосферадаги карбонат ангидрид (CO2) концентрациясини ўлчамоқда. 1965 йилдан бери ҳар йили май ойида сайёрани иситувчи газ концентрацияси янги рекордларни қайд этмоқда.
2022 йилда CO2 нинг ўртача ойлик концентрацияси миллионда 420,99 қисмни (ppm) ташкил этди. Бир суткадаги энг юқори концентрация 421,68 ppm 13 май куни қайд этилган.
Иссиқхона газлари даражаси 64 йил олдин буни ўлчаш бошланган вақтга нисбатан 30 фоизга кўтарилган.
Атмосферадаги CO2 нинг кўпайиши инсон фаолияти натижасида чиқадиган чиқиндилар билан боғлиқ. Бу эмиссиялар 2021 йилда энг юқори даражага етди. Атмосферага 36,3 млрд тоннага яқин CO2 чиқарилди — 2020 йилга нисбатан 6 фоизга кўп.
Кўпчилик эмиссиялар ёниш натижасида ҳосил бўлади. Мисол учун кўмир 2020 йилга нисбатан ўсишга 40 фоиз кўпроқ ҳисса қўшган.
Иссиқхона газлари қуёшдан иссиқликни ушлаб, унинг коинотга оқиб чиқишини олдини олиш орқали Ерни изоляция қилади.
Мавзуга доир: Электромобильлар ҳақиқатан ҳам ҳавони камроқ ифлослантирадими? Ўзбекистон мисолида таҳлил
Изоҳ (0)