Транспорт вазири ўринбосари Абдусамат Мўминов 10 июнь куни Вьетнамнинг фавқулодда ва мухтор элчиси (қароргоҳи Москва шаҳрида) Данг Мин Кхой бошчилигидаги делегация вакиллари билан учрашув ўтказди. Бу ҳақда Транспорт вазирлиги хабар қилди.
Қайд этилишича, учрашувда мамлакатлар ўртасида савдо иқтисодий алоқаларни ривожлантириш, туризм соҳасидаги ўзаро манфаатли ҳамкорликни янги босқичга олиб чиқиш билан боғлиқ жиҳатлар муҳокама этилган. Хусусан, туризмни ривожлантириш, йўловчи ва юк ташувлари ҳажмини ошириш мақсадида икки давлат пойтахтларини боғловчи тўғридан-тўғри авиақатновларни қайта тиклаш билан боғлиқ масалалар атрофлича кўриб чиқилган.
Учрашувда Vietnam Airlines авиакомпанияси Uzbekistan Airways ва Uzbekistan Airпорц билан тўғридан-тўғри ҳамкорликни йўлга қўйган ҳолда Ханой—Тошкент—Ханой йўналишида мунтазам қатновларни ташкил этиш билан боғлиқ масалани тез орада батафсил муҳокама этишга келишиб олинган.
Изоҳ (0)