Бугун,

  • USD 11095.31
  • RUB 173.84
  • EUR 10772.44

«Менда қолмади дил», «Ёр биздан кетди» ва «Хавотирдаман» қўшиқлари билан тингловчилар кўнглидан жой олган хонанда Жалолиддин Аҳмадалиев 7–8 июнь кунлари «Халқлар дўстлиги» санъат саройида илк яккахон концерт дастурини тақдим этди. «Дарё» мухбирлари концертга ташриф буюриб, видео ва фоторепортаж тайёрлашди.

Жалолиддин Аҳмадалиев ким? У ижодни қачондан бошлади? Бу савол кўпчиликни ўйлантириши аниқ. Чунки  қўшиқлари халқ тилига тушган бўлишига қарамай, у ҳақидаги маълумотлар жуда оз. Шу боис репортажни бошлашдан аввал хонанда ҳақида бироз маълумот бериб ўтсак.

Фото: «Дарё»

Фото: «Дарё»

Жалолиддин Аҳмадалиев 1992 йил 12 сентябрь куни Фарғона вилоятининг Данғара туманида дунёга келган. Жалолиддин Аҳмадалиев «Она, сени унутганим рост», «Ёр биздан кетди», «Менда қолмади дил», «Тупроқдан бўлгансан, тупроқ бўласан», «Эҳ жўралар», «Хавотирдаман», «Дадамнинг соясида» каби қўшиқлари билан машҳурликка эришган. Аммо хонанда мусиқа бўйича таҳсил олмаган. Оиласидаги моддий қийинчиликлар сабаб 18 ёшида Россияга ишлагани кетган. Ундан сўнг Тошкент ва Фарғонада сантехник уста ва косиб бўлиб ишлаган. Оилали, Аҳмадали исмли ўғли бор.

Фото: «Дарё»

Фото: «Дарё»

Концерт бошланишидан аввал хонанда отаси ва амакисидан дуо олди.

Фото: «Дарё»

Фото: «Дарё»

Одатда хонандалар камида 4-5 йил ижод қилгач, яккахон концерт дастурларини ўтказишади. Аммо Жалолиддин Аҳмадалиев бу борада рекорд натижани қайд этди. Чунки унинг илк қўшиғи 2021 йилнинг 16 июнь санасида YouTube тармоғига жойланганди. Норасмий маълумотларга кўра, унинг қўшиқлари  интернет тармоғидан энг кўп изланадиган ўзбек тароналари ҳисобланади. Масалан, саккиз ой аввал YouTube тармоғига жойланган «Ёр биздан кетди» клипи 34 миллион,   «Соғиндим» қўшиғи 25 миллион маротаба томоша қилинган.

Фото: «Дарё»

Фото: «Дарё»

Ҳеч бир дастур ўз-ўзидан саҳна юзини кўрмайди. Унинг ортида оғир меҳнат, асаббузарлик ва кўнгилсизликлар ҳам бўлиб туради. Жалолиддин Аҳмадалиев ҳам концерт олди бироз асабийлашди.

Фото: «Дарё»

Фото: «Дарё»

Концертда «Браво» кулги жамоасининг аъзолари Умид Умаров ва Шаҳло Зоирова қизиқчи Жамшид Норматов билан бошловчилик қилишди.

Фото: «Дарё»

Фото: «Дарё»

Шу кунгача хонанданинг 8 та қўшиғига клип суратга олинган. Аммо уларнинг ҳеч бири телевидениеда намойиш этилмаган.

Фото: «Дарё»

Фото: «Дарё»

Халқ хизматларида фақат жонли куйлайдиган хонанданинг илк яккахон концерти ҳам тўлиқ жонли ижрода ўтди. У ҳаяжонланиши, созандалари ёки саҳна акустикасининг нотўғри эканлигини баҳона қилмай, жонли ижрода концерт беришни уддалади.

Фото: «Дарё»

Фото: «Дарё»

Концерт икки блокдан иборат бўлиб, унда жами 20 та қўшиқ ижро этилди.

Фото: «Дарё»

Фото: «Дарё»

Мазкур концерт бошқа дастурлардан фарқли равишда режиссёр, гримёр, раққоса ва бек-вокал ижрочиларисиз ўтди. Одатда хонандалар концертларида раққосалар қўшиққа мос рақсларга тушишини исташади. Албатта, бу концертнинг томошабоплигини оширади. Аммо  ёш хонанда Жалолиддин Аҳмадалиевнинг концерти буларсиз ҳам файзли ўтди.

Фото: «Дарё»

Фото: «Дарё»

Шаҳло Зоирова хонанда Жалолиддин Аҳмадалиевнинг тарбияли эканлигини қайта ва қайта эътироф этди. Ҳақиқатан ҳам хонанда ногирон мухлисалари олдига бориб, гулларини қабул қилди. Бошқа мухлислар олиб келган гулдасталарнинг бирортасини ерга қўймади.

Фото: «Дарё»

Фото: «Дарё»

Жалолиддин Аҳмадалиевнинг концерти учун нафақат водийдан, балки Қашқадарё ва Сурхондарёдан ҳам мухлислар ташриф буюришди. Энг қизиғи, ёш хонанданинг концерт чипталари кассада қолмагани боис  «қора бозор»да икки баробар қимматга сотилди.

Фото: «Дарё»

Фото: «Дарё»

Хонанданинг онаси ўғли учун катта гулдаста олиб келди.

Фото: «Дарё»

Фото: «Дарё»

Хонанда концерт либоси ҳам оддий бўлишини истаган кўринади. У бошқа ҳамкасблари сингари қиммат бренд костюм-шимда саҳнага чиқмади.

Фото: «Дарё»

Фото: «Дарё»

«Она, сени унутганим» рост қўшиғини йиғлаб ижро этди.

Фото: «Дарё»

Фото: «Дарё»

Бундан ташқари, хонанда халқ артистлари ва устоз санъаткорлар қўшиқларидан ажойиб попурри ижро этди. Мухлислар қўшиққа мириқиб рақсга тушишди.

Фото: «Дарё»

Фото: «Дарё»

Дастур сўнгида аксарият мухлислар зални тарк этишмади. Уларнинг назарида, концерт оз бўлгандек эди.

Фото: «Дарё»

Фото: «Дарё»

— Жалолиддиннинг қўшиқларини кунига камида бир марта эшитаман. Чунки унинг ижоди ўзига хос. Концертига таклиф этганди, шунча ишимни ташлаб, бошловчилик қилишга рози бўлдим, — дейди «Браво» кулги жамоаси аъзоси Шаҳло Зоирова.

Фото: «Дарё»

Фото: «Дарё»

Хонанда клипларининг режиссёри Акромбек Нуруллаев актёр Санжар Холмуродов билан. Бу актёр Жалолиддин Аҳмадалиевнинг «Жўралар» клипида суратга тушган.

Изоҳ
Асосий янгиликлар
Маҳаллий
«Дарё» кундалигида 2 декабрда содир бўлган энг муҳим воқеалар
Маҳаллий
«Ифлослантирувчи тўлайди» тамойили, «яшил сертификатлар», энергия улушини камайтириш: Мирзиёев «яшил» иқтисодиёт тақдимоти билан танишди
Дунё
Британия разведкаси Россия Украинадаги урушда қуруқликдан ҳужум қилолмаётгани сабабини тушунтирди