Эҳтимол, сиз ҳам бир пайтлар телевизорда ёки катта экранда кўрган машҳурларни севиб қолгандирсиз. Тасаввур қилинг-а, машҳур одамни ҳақиқий ҳаётда билиш ва таниш, ундан ҳам ортиғи у билан яшаш қанчалик ажойиб бўларди. Баъзилар бунинг уддасидан чиқишган: улар ўз кумирлари билан бахтли ҳаёт кечирмоқда.
Том Круз ва Кети Холмс
Кети Холмс 15 ёшидаёқ Том Крузни севиб қолган ва хонаси деворини актёрнинг расмлари билан безаган. У 2004 йилда Том Крузга турмушга чиқишни доим орзу қилишини айтади. Бир неча ой ўтгач, 2005 йил май ойида у Том билан учрашишни бошлайди. Кетининг орзуси рўёбга чиқди: улар ўртасида муҳаббат учқунлади, жуфтлик турмуш қурди, 2006 йилда эса улар ота-она бўлди. Аммо, афсуски, 2012 йилда жуфтлик ажрашди.
Жастин ва Хейли Бибер
Жастин Бибернинг кўплаб мухлислари унга турмушга чиқишни орзу қилган. Бу бахт улардан бири — Хейли Болдуингагина насиб қилган. Хейли 12 ёшида отаси Стивен Болдуин уни Жастин Бибер мухлисларининг учрашувига олиб боради. Жастинни кўриш учун навбат кутишига тўғри келади.
Бир неча йил ўтгач, у ва Жастин бир-бирини севиб қолади, 2018 йилда улар унаштирилади. Бир йил ўтгач эса ёшлар Жанубий Каролинада никоҳдан ўтди. Жуфтликнинг самимий меҳрини уларнинг Instagram’даги профилига қараб баҳолаш мумкин. Хейли ўз постида шундай деб ёзган: «Бу ҳаётда жуда кўп ажойиб ва гўзал нарсалар бор, лекин энг ажойиби шундаки, мен сен билан биргаман. Мен сени севаман».
Шаҳзода Гарри ва Меган Маркл
Маълум бўлишича, шаҳзода Гарри Меган Марклнинг «Форс-мажорлар» фильмидаги қаҳрамони Рейчел Зейннинг ашаддий мухлиси бўлган. Бундан келиб чиқадики, шаҳзода Меганни илк танишувдан 2 йил олдин севиб қолган.
Эштон Кутчер ва Мила Кунис
Ҳозирда Мила Кунис ва Эштон Кутчернинг иккита нафар фарзанди бор, жуфтлик 2015 йилда турмуш қурган. Улар «70 йиллар шоуси» фильмининг суратга олиш майдончасида танишади. Ўша вақтда уларни дўстлик ва профессионал муносабатлар боғлаб турган бўлса, ҳозирда энг бахтли жуфтликлардан бири.
Мачине Гун Келлй ва Меган Фокс
Улар «Буғдой даласидаги кеча» триллерининг суратга олиш майдончасида танишади ва шу заҳотиёқ тил топишади. ГҚ Мачине нашрига берган интервьюсида Гун Келлй (ҳақиқий исми Коулсон Бейкер) қайси орзуларини амалга оширишга муваффақ бўлганини айтиб беради. Хусусан, у мактаб давридаёқ Меган Фоксни севиб қолган, ҳатто хонасида Меганнинг плакати ҳам бўлган, ҳозир эса қиз унинг севгилиси. 2022 йил январь ойида, танишганидан бир ярим йил ўтгач, юлдузлар унаштирилди.
Шаҳзода Уильям ва Кейт Миддлтон
Шаҳзода Уильям ва Кейт Миддлтон иккаласи ҳам Шотландиядаги Сент-Эндрюс университети талабалиги даврида танишган: ёшлар кампус ташқарисида бирга турар жой ижарага олишади. Уларнинг муносабатлари 2004 йилда маълум бўлади ва 2010 йилда эса турмуш қуришади.
Қироллик шарҳловчиси ва биографи Кети Никол ўз китобида Кейтнинг собиқ хонадоши унинг сирини ошкор қилганини айтади: бир вақтлар Кейт бўлажак турмуш ўртоғини қаттиқ севиб қолган.
Дугонасининг гапига қараганда, бўлажак Кембриж герцогинясининг хонасида шаҳзода Уильямнинг портрети бўлган. Кейинчалик Кейт буни рад этади, лекин эри бу ҳақда ҳазил қилишни яхши кўради.
Жон Красински ва Эмили Блант
Жон Красински турмуш ўртоғи Эмили Блантни биринчи учрашувдаёқ севиб қолганини тан олишдан уялмайди. Интервьюда у «Қаттиққўл хоним» фильми унинг севимли фильми эканлигини таъкидлайди.
Улар Лос-Анжелесдаги кафеда танишишади. Жон бу воқеани шундай эслайди: «Ўша пайт жуда асабийлашганман. Худойим, мен уни севиб қолганман шекилли, деб ўйлаганман. Мен унга қўлимни силкиб: «Менга ёқасан» деб айтгандим.
Изоҳ (0)