Европа Иттифоқи давлатлари ниҳоят Россияга қарши санкцияларнинг олтинчи пакетини тасдиқлади. Бу ҳақда Иттифоқнинг 3 июнь, жума кунги баёнотида айтилади.
Чекловлар, хусусан, Европа Иттифоқи мамлакатлари Россия нефтини олти ой ичида, нефть маҳсулотларини эса 8 ой ичида импорт қилишдан бутунлай воз кечишни ўз ичига олади.
Баёнотда қайд этилишича, Россиядан денгиз орқали нефть импортини тўхтатиш режаси бир неча босқичдан иборат бўлиб, минтақага қувур орқали етказиб бериладиган қора олтинга эса эмбарго йўқ.
Бундан ташқари, Европа Иттифоқининг янги санкциялари «Сбербанк», «Росселхозбанк» ва Москва кредит банкининг SWIFT тизимидан узилишини назарда тутади.
Аввалроқ Европа Иттифоқи Россияга қарши янги санкциялар пакети устида ишлаётгани маълум қилинганди.
Изоҳ (0)