Yevropa Ittifoqi davlatlari nihoyat Rossiyaga qarshi sanksiyalarning oltinchi paketini tasdiqladi. Bu haqda Ittifoqning 3-iyun, juma kungi bayonotida aytiladi.
Cheklovlar, xususan, Yevropa Ittifoqi mamlakatlari Rossiya neftini olti oy ichida, neft mahsulotlarini esa 8 oy ichida import qilishdan butunlay voz kechishni o‘z ichiga oladi.
Bayonotda qayd etilishicha, Rossiyadan dengiz orqali neft importini to‘xtatish rejasi bir necha bosqichdan iborat bo‘lib, mintaqaga quvur orqali yetkazib beriladigan qora oltinga esa embargo yo‘q.
Bundan tashqari, Yevropa Ittifoqining yangi sanksiyalari “Sberbank”, “Rosselxozbank” va Moskva kredit bankining SWIFT tizimidan uzilishini nazarda tutadi.
Avvalroq Yevropa Ittifoqi Rossiyaga qarshi yangi sanksiyalar paketi ustida ishlayotgani ma’lum qilingandi.
Izoh (0)