Тошкент шаҳар Мирзо Улуғбек тумани Шўртепа кўчасидаги ҳукумат меҳмонхона бино ва иншоотлари кимошди савдосида сотилди. Бу ҳақда Давлат активларини бошқариш агентлиги хабар берди.
Объектнинг қачон қурилгани номаълум бўлиб, унда газ, сув ва электр тармоғи тизими мавжуд. Ер участкасининг эгаллаган майдони — 2,99 гектар.
Кимошди савдосида 5 нафар иштирокчи қатнашди ва меҳмонхонанинг якуний нархи 78,7 млрд сўм қилиб баҳоланди.
Аукцион ғолиби «Торговий дом металлоинвест восток» бўлди.
Бу компания 2021 йил 24 декабрда 10,8 млрд сўм устав капитали билан рўйхатга олинган. Асосий фаолият тури — металл ва металл рудаларининг улгуржи савдоси.
Компания таъсисчиларидан бири «Лебединский» тоғ-кон бойитиш комбинати (51 фоиз) — темир рудасини қазиб олиш ва бойитиш, металл ресурсларини ишлаб чиқариш бўйича Россия ва МДҲдаги энг йирик корхона.
Корхона «Металлоинвест» таркибига, у эса миллиардер Алишер Усмоновнинг USM холдинги таркибига киради.
Аввалроқ Тошкентда номсиз меҳмонхона аукционга қўйилгани ҳақида хабар берилганди.
Изоҳ (0)