Тошкентнинг Мирзо Улуғбек туманидаги деҳқон бозорига 132 кило истеъмолга яроқсиз гўшт сотиш учун олиб кирилаётганида тўхтатиб қолинди.
Маълум бўлишича, тумандаги «Наврўз деҳқон бозори»га савдо мақсадида номаълум шахс 132 килограммлик гўшт маҳсулотларини олиб кираётганида Санитария-эпидемиологик осойишталик ва жамоат саломатлиги хизмати Мирзо Улуғбек тумани тумани бўлими ва ветеринария санитария-эпидемиологик лабораторияси ходимлари томонидан тўхтатилган.
Олиб борилган текширишлар натижасига кўра маҳсулот савдо ва истеъмол учун яроқсиз экани аниқланган ва ҳолат юзасидан баённома тузилиб, ИИБ хизмати кинология бўлинмасига топширилган.
Бундан аввал Тошкентдаги Чорсу бозорида истеъмолга яроқсиз гўшт ва сут маҳсулотлари аниқланиб, йўқ қилингани ҳақида хабар берилганди.
Ветеринария ва чорвачиликни ривожлантириш давлат қўмитаси бошқарма бошлиғи Алишер Сафаров 2022 йилнинг ўтган даври мобайнида пойтахт деҳқон бозорларида 6,8 тонна гўшт ва гўшт маҳсулотлари, 4,7 тонна сут ва сут маҳсулотлари истеъмолга яроқсиз экани аниқланиб, зарарсизлантириб йўқотилганини маълум қилганди.
Изоҳ (0)