Нигерияда шифокорлар маймунчечакдан илк ўлимни қайд этди: 40 ёшли эркак иммунитетни бостирувчи дори-дармонларни қабул қилиш вақтида ҳамроҳ касалликлардан вафот этган деб хабар берди Нигерия Касалликларни назорат қилиш миллий маркази (НCDC) 29 майдаги маълумотларга асосланиб.
Марказ маълумотларига кўра, Нигерияда май ойида маймунчечак мамлакатнинг тўққизта штатида 21 кишида тасдиқланган, уларнинг барчаси вируснинг Ғарбий Африка штамми билан оғриган.
Sky News хабарига кўра, Буюк Британия соғлиқни сақлаш агентлиги қиролликда яна 71 кишида маймунчечак аниқланганини маълум қилди.
Буюк Британияда касаллик тасдиқланган ҳолатларнинг умумий сони 179 тага етди, жумладан улардан тўрттаси Шотландияга, иккитаси Шимолий Ирландияга ва биттаси Уэльсга тўғри келмоқда. Агентлик маймунчечак билан касалланишлар сонини 27 майдан бери янгиламаган.
Европанинг бошқа мамлакатларида ҳам касалланганлар сони ортгани хабар қилинмоқда. Publicо газетасининг ёзишича, 27 майдан бери Португалияда маймунчечакнинг 22 та янги ҳолати қайд этилган; Ҳозирда умумий касалланганлар сони 96 нафарни ташкил этмоқда. Касалланганларнинг аксарияти Лиссабонда қайд этилган.
Испанияда 27 майдан бери 22 кишида маймунчечак аниқланган — Эл Периодиcо Испания Соғлиқни сақлаш вазирлигига таяниб, Карлос III соғлиқни сақлаш институти маймунчечакнинг 120 та ҳолати тасдиқланганини хабар қилди. Бугунги кунга қадар лабораториялар маймунчечак касаллиги белгилари бўлган 245 кишидан намуналар олган. Инфекцияга чалиниш ҳолатларининг аксарияти Мадридда қайд этилган — улардан 76 таси тасдиқланган ва 48 таси шубҳа остида.
Мавзуга доир:
Изоҳ (0)