Туркия президенти Ражаб Тоййиб Эрдўғон Россия президенти Владимир Путинга Истанбулда Россия, Украина ва БМТ вакиллари учрашувини ташкиллаштиришни таклиф қилди, деб ёзади Meduza Туркия етакчиси матбуот хизматига таяниб. Таклиф 30 май куни ўтказилган телефон суҳбати чоғида берилган.
Шунингдек, Эрдўғон агар Москва ва Киев бу ҳақда келишувга эришса, Туркия Украинадаги вазият устидан «кузатиш механизми»да қатнашишга тайёрлигини маълум қилди.
Кремль Эрдўғон ва Путин ўртасидаги телефон суҳбати ҳақидаги хабарида Туркия президентининг Истанбулда Россия, Украина ва БМТ музокараларини ташкил қилиш ҳақидаги таклифини тилга олмаган.
Россия президенти маъмурияти хабарига кўра, Путин Эрдўғон билан Қора ва Азов денгизларида кемалар қатнови хавфсизлиги масаласини, шунингдек, Россиянинг Украина билан уруши туфайли озиқ-овқат етказиб бериш билан боғлиқ муаммоларни муҳокама қилган.
«Россияга қарши тегишли санкция чекловлари бекор қилинган тақдирда, Россия катта ҳажмда ўғит ва қишлоқ хўжалик маҳсулотлари экспорт қилиши мумкинлиги тасдиқланди», — дейилади Кремль хабарида.
Украина ва Россия делегациялари (БМТ иштирокисиз) март охирида Истанбулда учрашган эди. Музокаралар якунларига кўра Украина мамлакатнинг нейтрал мақомини кўзда тутувчи тинч йўл билан тартибга солиш режасини тақдим этган, Россия эса Киев ва Чернигов вилоятидан қўшинларини олиб кетишини маълум қилган эди.
Бу Россия ва Украина музокараларининг сўнгги юзма-юз раунди бўлди. Шундан кейин музокаралар жараёни музлатиб қўйилди. Москва бунда Киевни айблади, Украина ҳукумати ўз навбатида музокараларни давом эттиришга тайёрлигини, фақат Россия томонидан «ультиматумлар» бўлмаслиги кераклигини айтди.
Мавзуга доир:
- Россия ва Украина ўртасидаги тинчлик музокаралари турғун ҳолатда — Россия ТИВ
- АҚШ ва Россия мудофаа вазирлари Украинада уруш бошланганидан бери илк бор музокара ўтказди. Пентагон Украинадаги ҳарбий ҳаракатларни зудлик билан тўхтатишни сўрамоқда
- Путин БМТ бош котиби билан ҳам 4 метрлик стол атрофида музокара ўтказди (фото)
Изоҳ (0)